Azərbaycanda ali məktəblərin bakalavriat səviyyəsi üçün keçiriləcək sınaq imtahanlarının vaxtı açıqlanıb. Tələbə Qəbulu üzrə Dövlət Komissiyasından Lent.az-a verilən məlumata görə, sınaq imtahanları bu il aprelin 5-i, 12-si, 19-da və eləcə də mayın 3-də keçiriləcək.
Qurumdan bildirilib ki, ali və orta ixtisas təhsili müəssisələrinə tələbə qəbulu qaydaları təsdiq edildikdən sonra bu təhsil müəssisələrinə keçiriləcək imtahanların və tədbirlərin plan-qrafiki elan ediləcək.
