Bakı, 23 yanvar, AzərTAc
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu Böyük Britaniyanın Kembric Universiteti nəzdində yaradılmış İslam Əlyazmaları Assosiasiyasının üzvü seçilib.
İnstitutdan AzərTAc-a bildiriblər ki, İslam Əlyazmaları Assosiasiyası islam əlyazma kolleksiyalarını qorumaq və onlarla işləyənlərə dəstək göstərmək üçün yaranmış beynəlxalq qeyri-kommersiya təşkilatıdır. Bu təşkilat bütün dünyada islam əlyazmalar kolleksiyalarının mükəmməl formada qorunmaması və onlardan istifadə imkanlarının tam olmaması ehtiyacından yaranıb.
İslam Əlyazmaları Assosiasiyasının dünyanın 25 ölkəsindən 600-ə yaxın üzvü var.