[ 26 Dekabr 2014 16:00 ]
Qusar. Vəli Turan - APA. Bu gün yeni ilin gəlişi ilə bağlı Qusar rayonunda kənd təsərrüfatı mallarının satış yarmarkası açılıb. Qusar rayon İcra Hakimiyyətinin təşkilatçılığı ilə keçirilən yarmarkada rayonun 29 inzibati ərazi vahidliyindən 40 tona yaxın məhsul satışa çıxarılıb. Ərzaq və kənd təsərrüfatı malları sakinlərə bazardakı qiymətindən 15-20 faiz ucuz təklif olunur.
Bayram satış yarmarkası dekabrın son günlərinədək davam edəcək.
