Ötən gecə Şəkidə yanğın baş verib. Hadisə gecə saat 3:00 radələrində Şəki şəhəri Salman Mümtaz küçəsində yerləşən dülgər sexində qeydə alınıb. "Kanal S" (Region TV) xəbər verir ki, hadisə yerinə dərhal Şəki DYMH-nin texnikası və canlı qüvvəsi cəlb olunub.
Şəki şəhər sakini Məmmədkərim Əzizova məxsus ümumi sahəsi 301 kv/m sexin, 288 kvm-i tamamilə yanıb. Sexin içərisində olan dəzgah və taxta materiallar yanaraq yararsız hala düşüb.
Xəsarət alan olmayıb. Sex sahibinə külli miqdarda ziyan dəyib.
Faktla bağlı FHN-in Şəki rayon DYMH-də araşdırma aparılır.
Milli.Az
