Rusiyanın Novosibirsk şəhərində qeyri-adi hadisə baş verib.
ANS PRESS-in məlumatına görə, şəhər sakin trolleybusda doğub.
Belə ki, №5 trolleybusda sərnişin qəflətən bel ağrısından şikayət edib. Bu zaman bütün sərnişinlərin diqqəti qadına yönəlib.
Trolleybusunun sürücüsü, üç uşaq anası Olqa Naftaeva qadının doğacağını anlayıb.
Naftaeva trolleybusdakı sərnişinləri aşağı endirib, sürəti azaldıb və təcili tibbi yardım çağırıb. Daha bir sərnişin isə zahı qadına kömək göstərməyə başlayıb.
Həkimlər hadisə yerinə gəlib çatana qədər uşaq artıq dünyaya gəlib.