Ermənistan həbsxanalarında homoseksuallarla heteroseksualların arasında intim münasibətə icazə verilir.
ANS PRESS-in məlumatına görə, bu barədə ictimai müşahidəçilər qrupunun üzvü Sergey Qabrielyan bildirib.
O bildirib ki, “oğru anlayışına” görə, “intim münasibət zamanı kişi rolunu oynayan heteroseksual homoseksual sayılmır”.
Sergey Qabrielyanın sözlərinə görə, bununla belə homoseksuallar ümumi həbsxana qab-qacağından istifadə edə bilməzlər. Onların mətbəx avadanlığının üzərində xüsusi işarə olur.
Cinsi azlıqlar adətən ayrı kameralarda yaşayır, ümumi kameralarda onları incidirlər. “Biz yüksək mədəni irsdən, humanizmdən, dostluqdan danışırıq, amma adamlarımız arasında belə işlər baş verir”, - deyə Sergey Qabrielyan vurğulayıb.