Almaniyanın 2M-Designs şirkəti Porsche Macan eksteryeri üçün vinil plyonka ilə işlənmiş çox da ucuz olmayan, amma effektli tərtibat təklif edib.
Milli.Az 4charx.com-a istinadən bildirir ki, şirkət bunun üçün iki dəst plyonkadan istifadə edir. Əvvəlcə avtomobilin kuzovu üzərinə gümüşü vinil çəkilir, sonra isə qara, qırmızı və ağ zolaqlar yapışdırılır. Bu “əyləncə” müvafiq olaraq 2799 və 1148 avroya başa gəlir ki, bunun da cəmi – təxminən 4 min avro – xeyli puldur.
Yaxın gələcəkdə 2M-Designs 1898 avroya mühərrikin məhsuldarlığının artırılmasını da təklif edəcək.
Milli.Az