İran ordusu yeni pilotsuz təyyarəsini sınaqdan keçirib.
ANS PRESS-in məlumatına görə, Quru Qoşunları Komandanlığı general-leytenantı Əhməd Rza Purdestan bildirib ki, pilotsuz təyyarənin sınağı Hörmüz boğazında davam edən genişmiqyaslı hərbi təlimlər zamanı həyata keçirilib.
Yeni pilotsuz təyyarənin özəlliyi ondan ibarətdir ki, təyyarə hücuma keçərək hədəfi dəqiq vurduqdan sonra özünü məhv edir.
"Raad" (göy gurultusu) adlı pilotsuz təyyarə 250 kilometr məsafədəki hədəfi dəqiq vurur. İran ordusu bu təyyarəni "hərəkətli bomba" adlandırır.
Qeyd edək ki, İran ordusu Hörmüz boğazında "Məhəmməd R\əsulullah" adlı genişmiqyaslı hərbi təlimlər keçirir. Təlimlər bir həftə davam edəcək.