"Azərbaycan-Gürcüstan-Türkiyə" enerji körpüsü çərçivəsində Azərbaycandan elektrik enerjisinin ixracına kommersiya məsələlərinin həllindən sonra başlanacaq.
Bu barədə Trend-ə ölkənin enerji bazarındakı mənbə bildirib.
Onun sözlərinə görə, enerji körpüsü çərçivəsində elektrik enerjisinin ixracının təmin olunması üçün bütün zəruri texniki işlər həyata keçirilib: "Kommersiya məsələlərinin həllindən sonra artıq elektrik enerjisinin ixracına və tranzitinə başlamaq mümkün olacaq”.
Bununla yanaşı, mənbə Azərbaycandan elektrik enerjisinin Gürcüstan vasitəsilə Türkiyəyə tranzitlə ixracına başlamağın mümkün olacağı tarixi açıqlamayıb: "İxrac əməliyyatlarına başlamaq barədə danışmaq hələlik çətindir".
Milli.Az
