Bu gün qadın voleybolçular arasında Azərbaycan Super Liqasının III dövrəsinə start verilib. Apasport.az saytının məlumatına görə, “Azəryol” – “Lokomotiv” görüşünün təxirə salındığı XI turun yeganə matçında “Rabitə” “Azərreyl”lə üz-üzə gəlib.
İlk iki qarşılaşmada rəqibinə “quru hesab”la qalib gələn Dejan Brdjoviçin yetirmələri bu görüşün də fovariti hesab edilirdilər.
Belə ki, matça yaxşı başlayan “Rabitə” ilk setdə qalib gəlməyi bacarıb – 25:21.
Birinci hissəni uduzan “Azərreyl” digər iki setdə güclü rəqibinə müqavimət göstərə bilməyib.
Beləliklə, rəqibini yenə “quru hesab”la məğlub edən “Rabitə” xalını 21-ə çıxarıb və müvəqqəti də olsa, liderliyi ələ keçirib.
25 yanvar
XI
“Rabitə” - “Azərreyl” - 3:0 (25:21; 25:5; 25:9)
Milli.Az