Bayramda keçi suya atılandan sonra yığışanların onu diri-diri, əllərilə parçalamasını təsəvvür edə bilərsiniz? Çətindir.
Amma Nepalda bu olay adi, hətta adidən adi sayılır.
Milli.Az AsiaOne-a istinadən bildirir ki, Nepalın paytaxtı Katmandunun yerləşdiyi vadidəki Nevari kəndində belə bayram var.
900 il yaşı olan "Hokana Deopoxari" bayramında kənd sakinləri hovuzun kənarına yığışır, ora keçiləri atırlar.
Gənclər suya girir, keçini boğmağa çalışır, zavallı heyvanı əllərilə dartışdırıb diri-diri parçalayırlar.
Hovuzun və ya nohurun kənarına yığışmış kəndlilər də baş verənləri maraqla, vəcdlə izləyirlər.
Kənddəki Deu Radrayani məbədinin qarşısındakı hovuzda keçirilən bu ayin beynəlxalq PETA təşkilatının qəzəbinə səbəb olub. Heyvan hüquqlarının müdafiəçiləri bu ənənəyə son qoyulmasını tələb edirlər.
Milli.Az
