Twitter sosial şəbəkəsi ürək-damar sistemi xəstəlikləri barədə daha çox informasiya verə bilər, nəinki digər faktorlar.
Milli.Az Rusiya KİV-ə istinadən bildirir ki, Melburn Universitetinin tədqiqatçıları belə bir faktı ortaya çıxarıblar. Sən demə, mikrobloqlar cəmiyyətdəki psixoloji ab-havanın əksidir. Tvitlərdəki mənfi emosiyalar, qəzəb, stres, yorğunluq onları yazan insanın ürək-damar sistemindəki xəstəliklərdən xəbər verir. Müsbət emosiyaları əks etdirən tvitlər yazan insanlarda isə ürək xəstəlikləri riski yoxdur.
Maraqlıdır ki, neqativ emosiyalarla dolu insanlar adətən ürək xəstəliklərindən dünyalarını dəyişirlər.
Alimlər 2009-2010-cu illər ərzində yazılmış tvitləri araşdırıblar və emosional lüğət hazırlayıblar. Onlar tvitlərdə istifadə edilmiş sözləri analiz ediblər. İnsanların emosional vəziyyətləri ilə fiziki sağlamlıqları arasında bağlılıq aşkar ediblər.
Milli.Az