Məşhur aktyor, Hollivud ulduzu Al Paçino musiqiçi istedadının olduğunu da nümayiş etdirib.
Milli.Az TMZ-yə istinadən bildirir ki, dünya kinematoqrafının canlı əfsanəsi, "Godfather" filmindən sonra adını tarixə yazmış 74 yaşlı aktyor 158-ci Akademik Musiqi Balında (Academy of Music Concert and Ball) Filadelfiya Simfonik Orkestrinə dirijorluq edib.
O, səhnəyə Şekspirin "3-cü Riçard" pyesindən səhnələri qiraətlə oxumaq üçün dəvət olunmuşdu.
Aktyor səhnədə olarkən onu müşayiət edən simfonik orkestrin ifasından elə şövqə gəlib ki, dirijor Yannik Neze-Seqenə "yardım" etməyə başlayıb.
1400 tamaşaçının olduğu zal heyrətlənmişdi.
Milli.Az
