"Sovetskidəki tarixi abidələr sökülməyəcək. Ola bilsin, onların bəziləri tarixi abidə kimi o qədər də əhəmiyyətli deyil, amma muzey olduqları üçün yerində qalacaqlar”.
ANS PRESS-in məlumatına görə, bunu Mədəniyyət və Turizm naziri Əbülfəs Qarayev ilin yekunları ilə bağlı mətbuat konfransında deyib.
O, buna misal kimi Cəlil Məmmədquluzadə və Abdulla Şaiqin ev muzeylərini göstərib:
"Elə binalar var ki, onlar da çox əhəmiyyətli deyil, amma üzərilərində xüsusi memarlıq bəzəkləri olduğundan bu siyahıya salınıb. Əhəmiyyətinə görə ikinci dərəcəli hesab edilən təqribən 30-a yaxın bina sökülməyəcək".