Bakı, 26 yanvar, AzərTAc
Kürd dəstələri Suriyanın Kobani şəhərində İŞİD-in əlində olan son böyük dayaq məntəqəsi üzərində nəzarətə yiyələniblər.
AzərTAc TASS informasiya agentliyinə istinadla xəbər verir ki, kürd silahlıları İŞİD yaraqlılarını şəhərin şərqindəki Kanyə-Kürdə rayonundan sıxışdırıb çıxarmağa nail olublar.
Bir qədər əvvəl Kobani şəhərinin bu hissəsində yerləşən dörd küçəsində yaraqlıların tapılaraq ləğv edilməsi üzrə əməliyyatlar aparılıb. Əməliyyatlar nəticəsində 30 nəfərdən çox İŞİD silahlısının öldürüldüyü bildirilir.