Bakı, 26 yanvar, AzərTAc
OPEK-in baş katibi Abdulla əl-Bədri bəyan edib ki, neftin barrelinin qiyməti 200 dollardan yuxarı qalxa bilər.
AzərTAc xarici KİV-ə istinadla xəbər verir ki, baş katib, eyni zamanda, bunun neft hasilatına qoyulan investisiyaların qıtlığı səbəbindən baş verəcəyini qeyd edib. “Əgər siz neft və qaz hasilatına sərmayə yatırmasanız, onda qiymətlər 200 dollardan da yuxarı qalxa bilər”, – deyə Abdulla əl Bədri bildirib.
Qeyd edək ki, yanvarın 26-da keçirilən sövdələşmələrin ilk saatlarında Brent markalı neftin barrelinin qiyməti 47,61 dollara enib, günün sonunda isə 48,74 dollara yüksəlib.
