Saatlı sakininin evində əkib-becərdiyi narkotik vasitə olan qurudulmuş marixuana aşkar edilib.
APA-nın Mil-Muğan bürosuna Saatlı polis şöbəsindən verilən məlumata görə, rayon polis şöbəsinin əməkdaşları tərəfindən keçirilən əməliyyat tədbirləri zamanı Qarayevkənd sakini, 1980-ci il təvəllüdlü Ağayev Ağamərdan Ənvər oğlu şübhəli şəxs qismində saxlanılıb. Onun üzərinə baxış keçirilərkən ondan 2 ədəd kibrit qutusuna qablaşdırılmış qurudulmuş marixuana aşkarlanıb. Daha sonra saxlanılan şəxsin etirafı əsasında onun evinin zirzəmisində gizlətdiyi 400 qramdan çox qurudulmuş marixuana aşkarlanaraq istintaqa təhvil verilib.
Məlum olub ki, Ağamərdan Ağayev narkotik vasitələri ona məxsus həyətyanı sahədə əkib və becərib. A.Ağayev barəsində həbs-qəti imkan tədbiri seçilib.Faktla bağlı cinayət işi açılıb, araşdırma aparılır.
