"Qəbələ" braziliyalı yarımmüdafiəçisini göndərdi

"Qəbələ" braziliyalı yarımmüdafiəçisini göndərdi
10:52 27 Yanvar 2015
217 İdman
Ölkə mətbuatı
A- A+

“Qəbələ” yarımmüdafiəçi Markinyoş Karioka ilə yollarını ayırıb.

Milli.Az apasport.az-a istinadən xəbər verir ki, 2014-2015 mövsümünün startından “qırmızı-qara” formanı geyinən futbolçunun əyalət komandasının heyətindəki yarımillik karyerası başa çatıb.
  
2014-cü ilin yayında transfer olunan 23 yaşlı braziliyalı legioner mövsümün ilk yarısında “Qəbələ”nin heyətində 13 oyun keçirib. Ötən ilin avqustun 23-də keçirilən Topaz Premyer Liqasının III turunun “Bakı” ilə oyununda (2:0) komandada debüt edən Markinyoş 12 çempionat matçında 700 dəqiqə meydanda olub, 1 qol və 1 sarı vərəqə ilə diqqət çəkib.
  
O, XII turun noyabrın 20-də keçirilən AZAL-la oyununda (3:3) yeganə qolunu vurub. Braziliyalı futbolçu 55 dəqiqə meydanda olduğu 1 kubok oyununun iştirakçısı olub. Dekabrın 18-də “Sumqayıt”la səfərdə keçirilən qarşılaşma (1:1) isə Markinyoşun “Qəbələ”də son matçı olub.

Qeyd edək ki, “Qəbələ” bir neçə gün öncə Yazalde Pinto ilə də yollarını ayırmışdı.

Milli.Az


Xəbərin orijinal ünvanı: http://news.milli.az/sport/321141.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR