Panamanın Sakit okean sahillərində 5,5 bal gücündə zəlzələ baş verib.
APA-nın RİA Novosti agentliyinə istinadən verdiyi xəbərə görə, yeraltı təkanların episentri David şəhərindən 213 km cənubda, ocağı isə 10 km dərinlikdə yerləşib.
Dağıntılar və xəsarət alanlar barədə məlumat verilmir. ABŞ Geoloji Xidmətinin (USGS) yaydığı məlumata əsasən, sunami təhlükəsi yoxdur.
