Yanvar ayının 23-də "Nizami" restoranında kinoklubun növbəti görüşü keçirilib. Həmin axşam rejissorlar Zamir Süleymanov və Emin Əzizbəylinin “Astar” qısametrajlı filmi nümaiş olunub. Emin özü nümayişə qatılıb.
Klubun formatına uyğun olaraq, nümayişdən sonra filmin və ümumiyyətlə yerli kinematoqrafiyanın problemləri və problemlərin həlli müzakirə olunub.
Qonaqlar sırasında tanınmış və yeni addımlar atan rejissorlar, prodüserlər, həmçinin televiziya, marketinq və piar sahələrində tanınmış insanlar yer tutmuşdur.
Klub “Evenutz” şirkətin təşəbbüsü, "Nizami" restoranının təşkilati, "Nizami" kinoteatrının informasiya dəstəyi ilə hər ay bir-iki dəfə təşkil olunur.