Bakı, 29 yanvar, AzərTAc
Bakı Fond Birjasında (BFB) Azərbaycan Mərkəzi Bankının ümumi məbləği 30 milyon manat, hərraca çıxarılan həcmi 5 milyon manat, bir notun nominal dəyəri 100 manat olan qısamüddətli notlarının yerləşdirilməsi üzrə hərrac keçiriləcək.
BFB-dən AzərTAc-a bildiriblər ki, tədavül müddəti 28 gün olan notlar fevralın 25-də ödəniləcək.
Hər bir bank tərəfindən təqdim edilən sifarişlərin ümumi sayı (rəqabətli və qeyri-rəqabətli) 3-dən artıq olmamalıdır.
Hərrac zamanı notların buraxılışının 20 faizdən artıq olmaması şərti ilə qeyri-rəqabətli sifarişlərin qəbul edilməsinə icazə verilir.