[ 27 Dekabr 2014 21:42 ]
Bakı-APA. Liviyada “İŞİD” terror təşkilatının silahlıları neft limanını raketlərdən bombardman edib, nəticədə ərazidə güclü yanğın baş verib. APA-nın “Gazeta.ru”-ya istinadən verdiyi xəbərə görə, Liviyanın ən iri limanını bombardman edən silahlılar katerlə hərəkət ediblər.
Qeyd edək ki, bu son həftə ərzində silahlıların limana ikinci hücumudur.
Dekabrın 25-də silahlıların limana hücumu nəticəsində 19 hərbçi həlak olub. Hücum zamanı silahlıların atdığı raket tankerlərdən birini sıradan çıxarıb.
