Azərbaycan, Bakı, 28 dekabr /Trend/
Xocasəndə yük maşını piyada keçidinə çırpılıb.
Xocasən-Lökbatan yolunun 2-ci kilometrliyində, Xocasən qəsəbəsində "Shachman" markalı yük avtomobili kuzovu açıq vəziyyətdə yerüstü piyada keçidinin altından keçərkən ona çırpılıb və yararsız hala salıb. Bu barədə Trend-ə Nəqliyyat Nazirliyi "Azəryolservis" ASC mətbuat xidmətindən məlumat verilib.
Hal-hazırda hadisə yerinə Nəqliyyat Nazirliyi "Azəryolservis" ASC-nin əməkdaşları gəlib və ərazidə təmizlik işləri aparırlar.
Məqalə müəllifi ilə əlaqə ünvanı: agency@trend.az
