Əş-Şəbab liderlərindən birinin təslim olunduğu xəbəri yayılıb.
ANS PRESS-in məlumatına görə, Somali rəsmiləri Amerika Birləşmiş Ştatlarının (ABŞ) axtarışda olan şəxslər siyahısının başında gələn Zəkəriyyə İsmayıl Əhməd Hersinin təslim olunduğunu bildiriblər.
Somali hərbçiləri əş-Şəbab liderinin Keniya ilə sərhəd yaxınlığında ələ keçirildiyini, Gedo rayonunun hakimiyyət nümayəndəsi Zəkəriyyə İsmayıl Əhməd Hersinin gizləndiyi evdə yaxalandığını qeyd ediblər.
2012-c ildə ABŞ Hersinin tutulmasına kömək edəcək məlumata görə 3 milyon dollarlıq mükafat təsis etmişdi.
Mart ayının əvvəlindən Afrika İttifaqı və hökumət qüvvələrinin irəliləməsi nəticəsində əş-Şəbab təşkilatı Somalinin bir neçə şəhərindən geri çəkilib.
Qeyd edək ki, Əş-Şəbab ötən ildən bəri Keniyadakı ticarət mərkəzinə hücumla yanaşı bir neçə ölümcül basqın həyata keçirib.