Belçikanın paytaxtı Brüsseldəki Qiymətli Kağızlar Birjası binasının ətrafında olan şübhəli bağlama həyəcanlı anlara səbəb olub.
ANS PRESS-in məlumatına görə, hadisə yerli vaxtla saat 19.30-da Ansbax (Ansbach) prospektində, birja binasının qarşısındakı metro stansiyasının giriş-çıxışında, insanların sıx olduğu yerdə baş verib.
Şübhəli bağlamanın aşkarlanmasından sonra prospektdə avtomobillərin hərəkəti dayandırılıb, yaxınlıqda olan otel və ofislərdən insanlar hər ehtimala qarşı təxliyyə olunub.
Polis və bomba zərərsizləşdirmə mütəxəssislərinin 2 saat davam edən araşdırmalarından sonra hadisə yerindən partlayıcı aşkarlanmayıb.
Mənbə
ANS PRESS