Elnur Hüseynovun millət vəkili Qənirə Paşayeva ilə şəkilləri yayılıb.
ANS PRESS-in məlumatına görə, fotonu Azərbaycanın tanınmış modelyer-dizayneri Gülnarə Xəlilova dünən gecə öz "İnstagram" səhifəsində paylaşıb. Şəkildə millət vəkili Qənirə Paşayeva, Gülnarə Xəlilova, model Günay Musayeva və Elnur Hüseynovun əyləncəli vaxt keçirdikləri görünür.
Qeyd edək ki, "O səs Türkiyə" yarışındakı iştirakı ilə əlaqədar Türkiyədə qalan Elnur və Türkiyədə fəaliyyət göstərən Günay Musayeva Azərbaycana "The First 2013"-ilin ən yaxşılarının mükafatlandırma mərasimində iştirak etmək üçün gəliblər. Gülnarə Xəlilova uçuncü dəfə “The First” mükafatına layiq görünüb.
Xatırladaq ki, Ebru Gündeşin komandasında yarışan Elnur Hüseynov gələn həftə səhnədə Ümit Ortaç adlı iştirakçı ilə duelə çıxacaq.
