Bakı. Anaxanım Hidayətova – APA. Dağlıq Qarabağ münaqişəsinin nizamlanmasında Rusiyanın vasitəçilik missiyasının əsas mərhələsi prezident Vladimir Putin tərəfindən Soçidə Azərbaycan və Ermənistan prezidentlərinin görüşünün təşkil edilməsi olub.
APA-nın xəbərinə görə, bu barədə Rusiya Xarici İşlər Nazirliyinin rəsmi saytında yer alan məlumatda bildirilir.
2014-cü ilin yekunlarına həsr olunmuş xülasədə qeyd olunur ki, Soçi görüşü Qarabağ münaqişəsi zonasında gərginliyi azaltmağa və tərəflərin mövqelərini dəqiqləşdirməyə imkan yaradıb.
Rusiya Xarici İşlər Nazirlyi həmçinin 2014-cü ildə ATƏT-in Minsk qrupunun həmsədrləri ilə birgə fəaliyyəti önə çəkib. Qeyd olunub ki, vasitəçilər Azərbaycan və Ermənistan prezidentləri ilə 5 görüş keçiriblər, habelə bu ölkələrin XİN rəhbərləri ilə bir sıra məsləhətləşmələr baş tutub.