Gəncə, 3 fevral, Sabir Əliyev, AzərTAc
Akademik Zərifə Əliyeva adına Elmi-Tədqiqat Göz Xəstəlikləri İnstitutunun aparıcı mütəxəssisləri səyyar klinika vasitəsilə fevralın 13-dən etibarən Gəncədə uşaq və böyüklərin müayinəsini keçirəcəklər.
Gəncə Şəhər Səhiyyə İdarəsinin rəis müavini Akif Zərbəliyev AzərTAc-a eksklüziv müsahibəsində deyib ki, müayinələr zamanı ehtiyac duyulan xəstələrdə cərrahiyyə əməliyyatlarının aparılması da nəzərdə tutulub. Hazırda müxtəlif göz problemləri olan xəstələrin qeydiyyatı aparılır.
