[ 29 Dekabr 2014 14:48 ]
Bakı – APA. "2015-ci ildə Ermənistanı dərin böhran gözləyir". APA-nın Ermənistan mətbuatına istinadən verdiyi məlumata görə, bu sözləri Ermənistanın “İrs” partiyasının üzvü, deputat Zarui Postancanyan deyib.
Ermənistanın Avrasiya İqtisadi İttifaqına üzvlüyü məsələsinə toxunan Z. Postancanyan qeyd edib ki, erməni xalqı Serj Sarkisyanın 3 sentyabr qərarına etiraz etsəydi, müvafiq saziş imzalanmayacaqdı: “Ermənistanın Avrasiya İqtisadi İttifaqındakı üzvlüyü ölkəni tənəzzülə doğru aparır. Biz bu məsələdə Rusiyanın aqressiv siyasətinin şahidi olduq. Bu aqressiyaya lazımı cavab verilmədi”.
Deputat həmçinin bildirib ki, gələn il Ermənistanı siyasi sahədə də böhran gözləyir. “Görünən odur ki, erməni xalqını siyasi və iqtisadi sahədə mənfiyə doğru dəyişikliklər gözləyir”.
