[ 29 Dekabr 2014 15:01 ]
Bakı. Zümrüd Paşayeva – APA. ABŞ prezidenti Barak Obama gələcəkdə İranda ölkəsinin diplomatik nümayəndəliyinin bərpa olunacağını istisna etmir.
APA-nın “Associated Press”ə istinadən verdiyi xəbərə görə, bu sözləri B. Obama “NPR” telekanalına müsahibəsində deyib.
“Mən heç vaxt “heç vaxt” ifadəsini işlətmirəm. Münasibətlərimiz mərhələli şəkildə bərpa olunmalıdır”, - deyə o vurğulayıb.
Kuba və İranın fərqli ölkələr olduğunu deyən B. Obama qeyd edib ki, Kuba daha kiçik ölkədir və ABŞ-a təhlükə törətmir, İran isə böyük bir ölkədir və terrorizmə dəstək verir, nüvə silahı əldə etməyə çalışır.
