Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Azərbaycanda "Qəbələ"dən güclü komanda yoxdur" - Samir Zərgərov (Müsahibə)

"Azərbaycanda "Qəbələ"dən güclü komanda yoxdur" - Samir Zərgərov (Müsahibə)

Date: 11 November 2015 17:16

"Qəbələ"nin yarımmüdafiəçisi Samir Zərgərov Azerisport.az saytına müsahibə verib. Həmin müsahibəni təqdim edirik:

- "Qəbələ"də nə baş verir?
- Komanda az qol vurur. Məşqlərdə bunun üzərində çalışırıq. Böyük ehtimalla, tədricən bu problemi yoluna qoyacağıq.

- Ola bilər ki, bu, Avropa Liqasındakı çıxışınızla əlaqədardır?
- Deməzdim ki, beynəlxalq arenadakı çıxışımız Premyer Liqadakı oyunlarımıza təsir göstərsin. Bəli, yorğunluq var. Amma mən bunu rəqiblərimizin "Qəbələ"yə qarşı müdafiə futbolu oynaması ilə əlaqələndirərdim. Son oyunlarımızı öz meydanımızda keçirmişik. Onların da hamısı, demək olar ki, təkqapı olub.

- "Qarabağ" da eyni şərtlər altında çıxış edir. Belə çıxır ki, "Qarabağ" buna daha çox hazırdır və ya sizdən güclüdür?
- Azərbaycanda "Qəbələ"dən güclü komanda yoxdur. "İnter"lə son oyunda 1:0 üstün olarkən ikinci qolu vura bilsəydik, hər şey tam fərqli olacaqdı.

- Ola bilər ki, legionerlər Avroliqadakı uğursuzluqdan sonra ruhdan düşüblər?
- Buna inanmıram. Peşəkar komandayıq, belə hallara yol vermək olmaz.

- Bəlkə Roman Qriqorçuk Ukraynaya qayıtsa yaxşıdır? Onsuz da komanda son dövrlər nəticə qazana bilmir...
- Onun gedişinin komandamıza faydalı olacağını deməzdim. Bu barədə heç kim düşünmür.

- "Qarabağ" artıq turnir cədvəlində sizdən xeyli uzaqlaşıb...
- Son turlarda çox xal itirməyimiz əsas rəqibimizin bizdən uzaqlaşmasına şərait yaratdı. Amma çempionat hələ davam edir və yenidən çempionluq mübarizəsinə qayıda bilərik.

- "Qarabağ" kimi komanda ilə xal fərqini azaltmağın çətin olacağını başa düşürsünüz?
- Çətin olacaq. Təəssüf ki, biz daha çox ev oyunlarında xallar itiririk. Amma onlara qarşı sonadək mübarizə aparacağıq.


Tags:  Azərbaycanda Qəbələdən güclü komanda yoxdur Samir Zərgərov müsahibə

RƏYLƏR


Top news