Aktual mövzular: Dollar alış-satışı , Hava, Məzənnə, Neftin qiyməti

Tbilisidə azərbaycanlı rəssamın fərdi sərgisi açılıb

Tbilisidə azərbaycanlı rəssamın fərdi sərgisi açılıb

Milli İncəsənət Muzeyində “Qadın xoşbəxtliyi” adlı fərdi yaradıcılıq sərgisi açılıb (07 Mart 2017 20:52)
Türkiyədə ilk: çoban sərgisi (01 Mart 2017 21:37)
Sabiq icra başçısının qızı əsərlərini nümayiş etdirir - BAKIDA - FOTOLAR (12 Fevral 2017 13:54)

Tarix: 11 Noyabr 2015 21:13


Tbilisi, 11 noyabr, AZƏRTAC
Tbilisidəki TBC incəsənət qalereyasında Azərbaycanın əməkdar rəssamı Əliyar Əlimirzəyevin rəsm əsərlərindən ibarət “Quşlar üçün viza” adlı sərgi açılıb.
Sərgidə rəssamın qrafik işləri ilə yanaşı, heykəltəraşlıq nümunələri də təqdim olunur.
TBC qalereyasının direktoru xanım Ketevan Qorcaxe AZƏRTAC-ın xüsusi müxbirinə müsahibəsində deyib: “Tanınmış azərbaycanlı rəssamın əsərləri xüsusi diqqət cəlb edir. Rəssamın əsərlərində qeyri-adi elementlər, məsələn, velosiped təkərindən hazırlanmış əcaib formalar heykəllərə orijinallıq bəxş edir. Qadın obrazlarından hazırlanmış heykəllər xüsusilə diqqətəlayiqdir. Ə.Əlimirzəyevin işlərinə baxanda insan fantaziyasının tükənməzliyinə bir daha əmin olursan. Biz bunları nəzərə alaraq onun əsərlərinin sərgisini təşkil etdik”.
Əliyar Əlimirzəyev sərgidə 15 rəsm və 2 heykəltəraşlıq əsərinin nümayiş olunduğunu bildirib. O, sərginin təşkilinə görə Bakının “Qız Qalası” qalereyasının və TBC qalereyasının rəhbərliyinə minnətdarlıq edib.
Tədbirdə Azərbaycanın Gürcüstandakı səfirliyinin mədəniyyət və humanitar məsələləri üzrə müşaviri Samirə Ağayeva, bu ölkənin mədəniyyət və incəsənət xadimləri iştirak ediblər.
Xətayi Əzizov
AZƏRTAC-ın xüsusi müxbiri
Tbilisi





Teqlər:  Tbilisidə azərbaycanlı rəssamın fərdi sərgisi açılıb



RƏYLƏR


Top xəbərlər