Aktual mövzular: Dollar alış-satışı , Hava haqqında, Məzənnə, Neftin qiyməti

​Azərbaycan Cüdo Federasiyasının vitse-prezidenti "Paralimpiya medalı" ilə təltif olunub

​Azərbaycan Cüdo Federasiyasının vitse-prezidenti "Paralimpiya medalı" ilə təltif olunub

Date: 12 November 2015 10:12

Bakı. 12 noyabr. REPORT.AZ/ Azərbaycan Milli Paralimpiya Komitəsinin rəsmiləri - vitse-prezident Şaiq Həmidov və baş katib Afiq Süleymanov "Neftçi İdman Klubu" İctimai Birliyinin inzibati binasına gələrək klubun idarəetmə aparatının rəhbəri, Azərbaycan Milli Olimpiya Komitəsi İcraiyyə Komitəsinin üzvü Sadıq Sadıqovu 50 illik yubileyi münasibətilə təbrik ediblər. "Report"un məlumatına görə, Ş.Həmidov S.Sadıqovun uzun illər Azərbaycan idmanına, eləcə də Paralimpiya Hərəkatına göstərdiyi xidmətdən geniş söhbət açıb və onun fəaliyyətini yüksək qiymətləndirib. 
Yubilyarın ömrünün böyük hissəsinin "Neftçi İdman Klubu" ilə bağlı olduğunu vurğulayan natiq onun idmandakı xidmətlərinə görə dövlət başçısı tərəfindən fəxri ad və medalla təltif olunduğunu qeyd edib. Vitse-prezident səbəbkarı həm də gözəl dost və xeyirxah insan kimi dəyərləndirərək ona cansağlığı, gələcək işlərində müvəffəqiyyətlər arzu etdi.
Sonra A.Süleymanov və digərləri yubilyara ən xoş arzularını çatdırıb, haqqında dəyərli fikirlər səsləndiriblər.
Ardınca Ş.Həmidov S.Sadıqovun Azərbaycan Paralimpiya Hərəkatının inkişafında göstərdiyi xüsusi xidmətlərinə görə Azərbaycan Milli Paralimpiya Komitəsi tərəfindən "Paralimpiya medalı" ilə təltif olunduğunu söyləyib və mükafatı yubilyara təqdim edib.
Tədbirin sonunda səbəbkar ona göstərdiyi diqqətə görə Paralimpiya Komitəsinin rəhbərliyinə dərin minnətdarlığını bildirib, təltif olunduğu mükafatı özü üçün çox qiymətli saydığını söyləyib.

Tags:  Azərbaycan Cüdo Federasiyasının vitse-prezidenti Paralimpiya medalı təltif olunub

RƏYLƏR


Top news