Aktual mövzular: Dollar alış-satışı , Hava, Məzənnə, Neftin qiyməti

Azərbaycanda bir gündə 93 milyon dollar satıldı

Azərbaycanda bir gündə 93 milyon dollar satıldı

Bu ilin ən bahalı maşını satıldı - FOTO (18 Mart 2017 19:32)
Arda Turanın var-dövləti açıqlandı - SİYAHI (13 Mart 2017 03:04)
Məşhur türk futbolçunun villaları (12 Mart 2017 14:20)

Tarix: 12 Noyabr 2015 10:47

Keçən həftənin cümə günü, noyabrın 6-dan etibarən Azərbaycanda yenidən xarici valyutaya tələbat artıb.

Milli.Az bizimyol.info-ya istinadən xəbər verir ki, xarici valyutaya tələbatın artmasına səbəb ABŞ-da açıqlanan işsizlik rəqəmlərinin gözlənildiyindən çox yaxşı olmasıdır. Belə ki, 180 min nəfər səviyyəsində proqnozlaşdırılan yeni iş yerlərinin sayı faktiki 271 min olub. Bu göstəricinin açıqlanmasından sonra ABŞ Federal Ehtiyat Sisteminin (FES) dekabrda uçot dərəcəsini artırması ehtimalı yüksəldiyindən, dünya bazarında dollara tələb artıb. Beynəlxalq valyuta bazarlarında avronun məzənnəsi 1,07 USD/EUR-ya kimi geriləyib.

Azərbaycan Mərkəzi Bankı (AMB) dünya bazarına paralel olaraq və bivalyuta məzənnə siyasətinə əsaslanaraq dolların məzənnəsini yüksəltməyə, avronun məzənnəsini isə endirməyə başlayıb.

Dolların daha da yüksələcəyini proqnozlaşdıran əhali yenidən çox güclü olmasa da, valyuta alışını artırıb. Nəticədə, dolların valyutadəyişmə məntəqələrinə satış məzənnəsi 1,0535-1,0580 AZN/USD-yə yüksəlib.

Dünən isə valyuta siyasətində dəyişiklik olub və AMB hər iki valyutanın, həm dollar, həm də avronun məzənnəsini artırıb. Bu siyasət bir neçə gün davam edərsə, artıq manatın yumşaq devalvasiyasına start verildiyini demək olar. Mərkəzi Bank dünən valyuta bazarında 93,9 mln. dollarlıq intervensiya həyata keçirib.

Milli.Az


Teqlər:  Azərbaycanda gündə 93 milyon dollar satıldı



RƏYLƏR


Top xəbərlər