Bakı. 12 noyabr REPORT.AZ/ Bu gün futbol üzrə AVRO-2016-nın "pley-off" mərhələsinin ilk oyunu keçiriləcək. "Report"un məlumatına görə, Norveç millisi Oslodakı "Ullevaal" stadionunda Macarıstanı qəbul edəcək.
Skandinaviya təmsilçisi seçmə mərhələdə Azərbaycanla eyni qrupda yer alıb. H qrupundakı görüşlərin yekununda Per-Matias Höqmonun komandası İtaliya və Xorvatiyadan sonra 3-cü yeri tutub. Macarıstan isə seçmə mərhələdə F qrupunda Şimali irlandiya və Rumıniyadan geri qalıb.
AVRO-2016, pley-off mərhələsi
23:45. Norveç - Macarıstan
Baş hakim: Mark Klattenburq
Hakim köməkçiləri: Krayq Pavson, Conatan Moss
Dördüncü hakim: Simon Bennett (hamısı İngiltərə)
Qeyd edək ki, cavab görüşü noyabrın 15-də Budapeştdə keçiriləcək. İki oyunun nəticəsində üstün tərəf Fransada keçiriləcək final mərhələsinə yüksələcək.
