"Real"ın prezidenti Florentino Peres mövsümün sonunda komandanın heyətində dəyişikliklər etməyi planlaşdırır.
Metbuat.az Sport.es-ə istinadən xəbər verir ki, klub rəhbəri Kərim Benzema və Kriştiano Ronaldonu satmaq niyyətindədir. Onların transferindən əldə olunan gəlirin isə Eden Azar və Robert Levandovskinin keçidlərinə yönəldiləcəyi bildirilir.
Bununla yanaşı, Florentino Peres yayda növbəti dəfə David De Xeanı transfer etməyə cəhd göstərəcək.
Məlumata görə, cari mövsümün gedişatı Peresin planlarına heç bir təsir göstərməyəcək.
