​Azərbaycanda uşaqlar arasında bəzi xəstəliklərin sayı kəskin artıb

​Azərbaycanda uşaqlar arasında bəzi xəstəliklərin sayı kəskin artıb
17:22 12 Noyabr 2015
42 Sosial
Ölkə mətbuatı
A- A+

Bakı. 12 noyabr. REPORT.AZ/ Azərbaycanda 0-13 yaş uşaqlar arasında diaqnozu ilk dəfə qoyulan bəzi xəstəliklərin sayında artım var.
"Report" Dövlət Statistika Komitəsinə istinadən məlumat verir ki, ötən il 0-13 yaş arası uşaqlar arasında diaqnozu ilk dəfə qoyulan xəstəliklərin ümumi sayı 680 039 olub.
2007-ci ildə bu rəqəm 642 302 idi.
2007-ci ildə ilk dəfə diaqnozu qoyulan xəstəliklər arasında yenitörəmələrin sayı 286 olubsa, 2014-cü ildə 401-ə yüksəlib.
Qan, qanyaradıcı orqanların xəstəlikləri və immun mexanizminin prosesə cəlb olunması ilə gedən ayrı-ayrı pozğunluqlar 2013-cü ildə 20 577 olduğu halda, 2014-cü ildə 26 239-a çatıb.
Artan xəstəliklər arasında sinir sistemi xəstəlikləri də yer alıb. 2007-ci ildə diaqnozu ilk dəfə qoyulan sinir sistemi xəstəliklərinin sayı 20 832, 2014-cü ildə 36 249 olub.
Sümük-əzələ sistemi və birləşdirici toxumanın xəstəlikləri 2007-ci illə müqayisədə ötən il 4 min fakt daha çox aşkarlanıb.
Artan xəstəliklər arasında anadangəlmə anomaliyalar (inkişaf qüsurları), deformasiyalar və xromosom pozğunluqları xəstəlikləri də var.

Xəbərin orijinal ünvanı: http://report.az/sehiyye/usaqlar-arasinda-bezi-xestelikler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR