Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Naxçıvan Muxtar Respublikası Ali Məclisində mükafatların təqdimat mərasimi olub

Naxçıvan Muxtar Respublikası Ali Məclisində mükafatların təqdimat mərasimi olub

Date: 12 November 2015 18:08


Naxçıvan, 12 noyabr, AZƏRTAC
Noyabrın 12-də - Konstitusiya Günündə Naxçıvan Muxtar Respublikası Ali Məclisində Azərbaycan Respublikası Prezidentinin fərdi təqaüdünün, “Dövlət qulluğunda fərq¬lənməyə görə” və “Tərəqqi” medallarının, Azərbaycan Respublikasının və Naxçıvan Muxtar Respublikasının fəxri adlarının döş nişanlarının təqdimat mərasimi keçirilib.
Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Naxçıvan Muxtar Respublikası Ali Məclisinin Sədri Vasif Talıbov Azərbaycan Respublikası və Naxçıvan Muxtar Respublikasının mükafatlarına layiq görülmələri, eləcə də Konstitusiya Günü münasibətilə təltif olunanları və onların timsalında muxtar respublika əhalisini təbrik edərək deyib: Təltif olunmaq böyük nailiyyət, bu adı daşımaq isə şərəfdir. Bu gün təltif olunanlar çalışdıqları sahələrdə fərqləndiklərinə görə dövlətimizin yüksək mükafatlarına layiq görülüblər.
Ali Məclisin Sədri təltif olunanlara təşəkkür edərək deyib: Azərbaycan dövlətinin qurucusu, ümummilli liderimiz Heydər Əliyev həm də Konstitusiyamızın yaradıcısıdır. Azərbaycan Respublikasının Konstitusiyasına əsasən ölkə vətəndaşlarına digər hüquqlarla yanaşı, iş hüququ da verilir. Bundan istifadə edərək Azərbaycan dövlətinin möhkəmlənməsi və inkişafı yolunda çalışan, xidməti fəaliyyətində fərqlənənlər isə ölkəmizin dəyərli insanlarıdır. Onların əməyi daim dövlətimiz tərəfindən qiymətləndirilir, dövlət mükafatları ilə təltif edilirlər. Dövlət təltifinə layiq görülmək üçün isə insan vətənpərvər olmalı, ölkəsinə və xalqına sədaqətlə xidmət etməlidir.
Ali Məclisin Sədri deyib: Bu gün Ulu Öndərin yolunun uğurla davam etdirilməsinin nəticəsidir ki, ölkəmizdə sabitlik vardır. Sabitlik olan yerdə isə iqtisadi inkişaf davamlı olur. İqtisadi inkişafı təmin edənlər isə öz vəzifəsini layiqincə yerinə yetirən insanlardır. Bu insanların dövlətimizin təsis etdiyi ali mükafatlarla təltif olunması ölkəmizdəki sabitliyin, iqtisadi inkişafın, dövlət-xalq və xalq-dövlət birliyinin nəticəsidir.
Ali Məclisin Sədri təltif olunanları bir daha təbrik edib, Azərbaycan Respublikası Prezidentinin fərdi təqaüdünü, medalların, Azərbaycan Respublikasının və Naxçıvan Muxtar Respublikasının fəxri adlarının döş nişanlarını və vəsiqələrini təqdim edib.
Təltif olunanlardan Bayram Rzayev, Mübariz Əsgərov, Alidə Fətullayeva, Vüsalə Əliyeva, Mahir Əliyev, Rəhim Qafarov, Natiq Əhmədov, Leyla Abbasova, Məhsəti Məmmədova, Əyyub Abdullayev, Əlövsət İbrahimov, Natiq Məmmədov, Tofiq Rüstəmov, Vüqar Quliyev və İlqar Mirzəyev minnətdarlıq edərək deyiblər: Bu gün sabitlik və əmin-amanlıq şəraitində yaşayırıq. Ölkəmizdə bütün sahələr inkişaf etdirilir, insanların rahat işləməsi üçün şərait yaradılır. Ümummilli liderimiz Heydər Əliyevin müəllifi olduğu inkişaf xətti Azərbaycanda, eləcə də onun Naxçıvan Muxtar Respublikasında uğurla həyata keçirilir. Doğma Naxçıvanımızın bugünkü inkişafında pay sahibi olmaq hər bir insan üçün böyük qürur və şərəfdir. Əməyimizə yüksək qiymət verilməsi, dövlət mükafatları ilə təltif olunmağımız isə məsuliyyətimizi artırır, bundan sonra daha səylə çalışmağa sövq edir.


Tags:  Naxçıvan Muxtar Respublikası Ali Məclisində mükafatların təqdimat mərasimi olub



RƏYLƏR


Top news