Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

​Azərbaycan millisi Türkiyəyə məğlub olub

Date: 12 November 2015 20:02

Bayıl stadionunda keçirilən qarşılaşmada topa ilk toxunan tərəf Türkiyə yığması olub. Rəqib bir neçə dəfə Tolqa Şahinin qoruduğu qapıya yol tapmaq istəsə də, sonuncu qapıda inamlı çıxış edib və hesabın açılmasına icazə verməyib. Nazim Süleymanovun rəhbərlik etdiyi komanda 41-ci dəqiqədə qol şansını əldən verib. Türkiyə millisinin heyətində Alican Özfesli millinin üzvü Elnur Cəfərova qarşı cərimə meydançasında kobud oynayıb. Rəqib futbolçu qırmızı vərəqə alaraq meydandan kənarlaşdırılıb. On bir metrlik cərimə zərbəsini vurmaq üçün topa Roman Hüseynov yaxınlaşıb. Lakin qapıçı Muhammed Şengezer hesabın açılmasına icazə verməyib. İlk 45 dəqiqə qolsuz bərabərliklə yekunlaşıb.
İkinci hissədə Azərbaycan millisi oyuna başlayıb. Matçın 56-cı dəqiqəsində Vedat İnceefenin rəhbərlik etdiyi komanda istəyinə nail olub. Müdafiəçilərin səhfindən istifadə edən Abdullah Balıkçı topu tora qovuşdurub. Qalan dəqiqələrdə tərəflərin qol vurmaq istəyi baş tutmayıb. Beləliklə, 90 dəqiqənin sonunda sevinən tərəf Türkiyə yığması olub - 1:0.
Hazırda Ukrayna 6 xalla qrup birincisidir. Bosniya Herseqovina və Türkiyə yığmaları isə hərəyə 3 xalla müvafiq olaraq 2 və 3-cü pillədə qərarlaşıblar. Azərbaycan millisi isə 2 oyundan sonra qrup sonuncusdur.

Tags:  Azərbaycan millisi Türkiyəyə məğlub olub

RƏYLƏR


Top news