Bu gün 19 yaşlı futbolçular arasında Bakıda keçirilən Avropa çempionatının seçmə mərhələsinin ikinci turuna start verilib.
ANS PRESS-in məlumatına görə, millimizin yer aldığı 5-ci qrupda iki oyun keçirilib.
Birinci qarşılaşma ilk turda Türkiyəni məğlub edən Bosniya və Herseqovina millisi ilə yığmamızı məglub edən Ukrayna milliləri arasında baş tutub. Ukraynalılar rəqibini 3:1 məğlub edərək ilk pillədə yerini qoruyub. İlk oyununda Ukraynaya 0:4 hesabı ilə uduzan millimiz qrupun ikinci matçında da meydanı məğlub tərk edib.
Azərbaycan millisi
Bu dəfə millimiz Türkiyəli yaşıdlarına 1:0 məğlub olaraq növbəti mərhələ şanslarının üstündən xətt çəkib. Millimizin bu görüşdə xal qazanmağ imkanı geniş olub. 41-ci dəqiqədə hakim rəqib komandadan Alican Özfeslini meydandan qovub və türklərin qapısına penalti təyin edib. Lakin topa yaхınlaşan Roman Hüseynovun zərbəsi dəqiq olmayıb. Əvəzində Türkiyə 57-ci dəqiqədə Abdullah Balıkçının qolu ilə hesabı açıb. 90+4-cü dəqiqədə yığmamızdan Elnur Cəfərov ikinci sarı vərəqəni alaraq meydanı tərk edib.
AVRO-2017
Seçmə mərhələ
5-ci qrup
12 noyabr
Bosniya və Herseqovina - Ukrayna 1:3
Qollar: Amir Haciahmetoviç, 10 - Aleksiy Qutsuliak, 45; 83. Aleksey Şkebetun, 64.
Türkiyə - Azərbaycan 1:0
Qol: Abdullah Balıkçı, 57.
Qırmızı vərəqələr: Alican Özfesli, 41 - Elnur Cəfərov, 90+4.
Turnir cədvəli
