Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Kirayə verilən ev zəbt edildi (VİDEO)

Kirayə verilən ev zəbt edildi (VİDEO)

Date: 13 November 2015 00:51

Paytaxt məhəllələrindən birində ev sahibilə kirayədə qalan şəxs arasında mülk mübahisəsi yaşanır. Ev sahibi kirayə verdiyi şəxslər tərəfindən mənzilinin zəbt olunmasını iddia edir. Kirayə qalanlar isə mənzili satın almalarında israrlıdır.

ANS TV-nin məlumatına görə, Yasamal rayonu, Qədirli küçəsi 8 ünvanında mülk üstündə mübahisə qeydə alınıb.

Cavanşir Cəbrayılov deyir ki, internatda yaşyıb böyüdükdən sonra ailə həyatı qurub. Baba mülkünə sahib olub. Bu zaman sözügedən ünvanda yerləşən evin bir otağını Natella Həsənovaya kirayə verib.

Onun dediyinə görə, 1975-ci ildə bağladıqları müqaviləni notariusda təsdqilətdirməyiblər. Lakin 2014-cü ildə Natella Həsənova sözügedən mənzildən çıxıb. Qızı Bahar Abdullayeva isə qeydiyyatda qalıb. Buna görə də müsahibim indi nə qazdan istifadə edə bilir, nə də sudan.

Cavanşir Cəbrayılovun sözlərinə görə, dəfələrlə Natella xanım və qızı gəlib ona təzyiq göstərir ki, evdən çıxarsınlar. Vaxtilə onu, hətta qardaşını döyüblər. Bu qarşıdurmanı mobil telefonla qeydə də alıb.

İndi Cavanşir Cəbrayılov deyir ki, sənədlə sübutla 26 kvadrat metrlik bu mənzil ona məxsusdur. Ömrünün ahıl çağında soyuq evdə qorxaraq yaşamaq məcburiyyətində qalıb:

“Natella xanıma xatırlatdım ki, müqaviləyə əsasən evi mənə təhvil verməlisən. Müvəqəti olaraq yaşaman üçün 5 min rubul almışdım. İndi 5 min rubulu götür, evi qaytar. Natella xanıma dedi ki, bu yaxınlarda ona ev verəcəklər, alan kimi evi təhvil verərəm. Xanım etibarımdan sui-istifadə edərək burada qalıb”.

Məsələ ilə bağlı Natella Həsənova bildirdi ki, müqavilədə qeyd olunanlar onun xeyrinədir. Sənədə görə ev həmişəlik ona verilib. Buna dair o, vaxtilə 6 min 500 manat pul da ödəyib:

“O vaxtlar, yəni 1975-ci ildə onlar notariusa getmədilər. Onun Əhmədlidə evi var idi, orda yaşayırdı. Yoldaşı onu evdən qovandan sonra əmisi qızını aldı. Əmisi qızını alandan sonra başladı evi tələb etməyə”.

Natella xanım əlavə etdi ki, məhkəməyə də müraciət edilib. Məhkəmədə də onun xeyrinə qərar çıxarıb. Lakin Cavanşir bəy onu mənzilinə daxil olmağa mane olur.


Tags:  Kirayə verilən ev zəbt edildi VİDEO


RƏYLƏR


Top news