Aktual mövzular: Dollar alış-satışı , Hava, Məzənnə, Neftin qiyməti

“Qarabağ” blokunun taleyi gələn həftə həll olunacaq

Corc Maykl gələn həftə dəfn olunacaq (20 Mart 2017 11:23)
Tramp yeni immiqrasiya fərmanını gələn həftə imzalayacaq (23 Fevral 2017 08:22)
Tramp yeni immiqrasiya fərmanını gələn həftə imzalayacaq (23 Fevral 2017 05:27)

Tarix: 13 Noyabr 2015 10:13

Azərbaycan, Bakı, 13 noyabr /Trend, müxbir Elçin Mehdiyev/

Gələn həftə Azərbaycan Demokrat Partiyası ilə Ümid Partiyası arasında “Qarabağ” siyasi blokunun gələcək fəaliyyətinə dair müzakirələr aparılacaq. Bunu Trend-ə “Qarabağ” blokunda təmsil olunan Ümid Partiyasının sədri İqbal Ağazadə deyib.

İ.Ağazadə bildirib ki, müzakirələrdən sonra blokun fəaliyyətinin davam etdirib-etdirməməsi ilə bağlı qərar veriləcək: “Hər halda blokun fəaliyyətinin davam etdirib-etdirməməsi təkcə bizim partiyanın qərarından asılı deyil. ADP sədri Sərdar Cəlaloğlu ilə məsləhətləşəcəyik. Lazım bilinsə, blok fəaliyyətini davam etdirəcək, bilinməsə yox”.

İ.Ağazadə qeyd edib ki, “Qarabağ” bloku fəaliyyətini dayandıracağı halda da, Ümid Partiyası ilə ADP arasında münasibətlər davam etdiriləcək: “ADP ilə bizim isti münasibətlərimiz var. Blok şəklində olmasa da, iki partiya olaraq əməkdaşlığımızı davam etdirəcəyik”.

Qeyd edək ki, “Qarabağ” blokunda Ümid Partiyası və ADP təmsil olunur. Milli Məclisə noyabrın 1-də keçirilən seçkilərdən öncə hər iki partiya seçkilərə ayrı-ayrılıqda getmək barədə qərar verdiyi üçün blok fəaliyyətini dayandırmışdı.

Məqalə müəllifi ilə əlaqə ünvanı: agency@trend.az

Bizi Twitter-dən izləyin: @trend_az


Teqlər:  Qarabağ blokunun taleyi gələn həftə həll olunacaq



RƏYLƏR


Top xəbərlər