Məmur və xurma məsələsi: iki nazir qovuldu, növbədə...

Məmur və xurma məsələsi: iki nazir qovuldu, növbədə...
11:05 13 Noyabr 2015
171 Digər
Ölkə mətbuatı
A- A+

...Günortanın bürküsü boğazı dəlir, qəlbi sıxır, gözləri yandırırdı. Tozlu, dar küçədə qoca oturmuşdu. Halsız, yorğun bir qoca.

Onun kimsə ilə işi yoxdu. Sakitcə, divar dibində oturmuşdu.
Küçənin qarşı tərəfində isə kök, piyli və yağdan işıldayan yanaqları sallaq, tosqun baqqal taxtın üstündə bardaş qurub qarşısındakı sinidəki təamları həzm-rabedən keçirirdi.
O, hər dəfə xurma götürür, ağzına aparır, sonra da xurmanın çəyirdəyini iki barmağı ilə ağzından çıxarıb qocaya atırdı.
Qoca dinmirdi.
Atdığı xurma çəyirdəkləri qocaya dəyəndə, zərbə "sərrast" alınanda baqqal uğunur, yekə qarnı yırğalanır, buxaqları yığılırdı.
Qoca qəflətən yerindən durdu, baqqala yaxınlaşdı.
Ovuclarındakı xurma çəyirdiklərini tərəzinin bir gözündəki mis qaba tökdü:
- Cənab, zəhmət də olsa, bunları çək.
Baqqal bu qəfil istəkdən təccüblənsə də, çəyirdəkləri çəkdi:
- Bir girvənkə iki misqal...
- Dəqiq?
- Əlbəttə, məndə əttar dükanı təki dəqiq tərəzidir.
Qoca susdu. Sonra əyildi, piştaxtadakı çəki daşlarından birini götürdü:
- Möhtərəm cənab, bəs bu daşın çəkisi nə qədər olar?
Baqqal bu qocanın nə istədiyini anlamasa da, hirsini cilovladı və dedi:
- Düz bir girvənkə iki misqal?
- Yəni sənə verdiyim xurma çəyirdəkləri qədər, eləmi?
Baqqal şaqqanaq çəkdi:
- Allah sənə ağıl versin! Mən də deyirəm bu nə istəyir... Hə, dəqiq o qədər.
Qoca danışmadı. Qəflətən əlindəki daşla baqqalın alnının ortasına vurdu:
- Mənə atdığın çəyirdəklərdir, qaytarıram...

İçdən çürüyən ağacla nə edərlər?

İçi çürüməyə başlayan, quruyan ağaclar kəsilməlidir. Yoxsa onlar bağdakı digər ağaclar üçün təhlükəyə çevrilir - bunu bağbanlar yaxşı bilirlər.
Alleqoriyalara varsaq, cəmiyyət də qulluq tələb edən, sürəkli xidmət istəyən bağdır ki, orada quruyan, qurdlayan, içdən çürüməyə başlayan ağaclar mütləq kəsilməli, ən başlıcası isə kökündən çıxarılmalıdır.
Əks təqdirdə kəsilən, amma kökləri torpaqda qalan ağac yenidən qol-budaq ata bilər.
Azərbaycanda vətəndaşların hüquqlarına kobud məmur müdaxiləsi, rüşvət və korrupsiya kimi hallara qarşı mübarizənin sərtləşdirilməsi müşahidə olunur.
Normal, labüd və gərəkli prosesdir. Belə mübarizə prosesinin gedişatı vətəndaşların haqlarının təminatı, dövlətçilik prinsiplərinə riayət və qanunların işləkliyinin gedişatı ilə bilavasitə bağlıdır.
Özü də reversiv şəkildə.
Yəni mübarizə nə qədər sərt, qətiyyətli və cinayətkarlara qarşı əsla güzəşt edilmədən aparılarsa, ölkədə qanunlara riayətlə bağlı situasiya bir o qədər yaxşı, vətəndaşların yaşamı bir o qədər rahat olar.
Azərbaycanda bir para məmurlar, deyəsən, gec də olsa, bunu anlamağa başlayıblar.
Könüllü şəkildə yox - vəzifələrindən kənarlaşdırılandan, haram yolla pulla qazandıqları pullar Güney Azərbaycandakı soydaşlarımız demişkən, "piltə-piltə burunlarından gəlməyə" başlayandan sonra...

Axı sizə demişdilər. Özü də dəfələrlə...

Ölkədəki məmurlar arasında özlərini qanundan, qaydalardan üstün sayanlar, reallıq hissini itirən, qanunsuz yollarla əldə etdikləri milyonların hesabına "nüfuzlu və toxunulmaz" olduqlarını düşünənlər varmış, sən demə.
Belə məmurların "bayraqdar"ı Milli Təhlükəsizlik Nazirliyinin rəhbəri Eldar Mahmudovdu.
MTN... Bu abbreviatura vətəndaşlarda təşviş yaratmalı, onları qorxutmalıydı və Eldar Mahmudov da buna çalışırdı.
Başçılıq etdiyi strukturda özünü az qala Feliks Dzerjinskinin demo-versiyası kimi hiss edən E.Mahmudov bu qurumu əvvəl OQPU-ya, sonra ÇK-ya virtual olaraq döndərməyə can atırdı.
Sonucda isə o, davranış və düşüncə baxımından Lavrenti Beriyanı xatırladırdı.
MTN-in son vaxtlardakı fəaliyyəti, xüsusilə də sahibkarlara qarşı "səlib yürüş"ünə çıxması Beriyanın "xalq düşmənləri ilə mübarizə"sini xatırladırdı.
Di gəl, Eldar Mahmudovun göstərişləri ilə hərəkət edən əlaltıları xalqa düşmən kəsilmişdilər və "düşmən" kimi qəbul etdikləri sahibkarlara divan tuturdular.

Onlar reketi, quldurluğu, qəsbi fəaliyyətlərinin az qala məhvərinə çevirmişdilər.
İş o yerə çatmışdı ki, MTN telefon danışıqlarının dinlənilməsini sırf biznes əməliyyatına döndərmişdi.
Bu çirkin işlərdə Eldar Mahmudovun dəstəsinə yardım edənsə Rabitə və Yüksək Texnologiyalar Nazirliyi idi.
RİTN-in son illərdəki fəaliyyəti barədə çox yazmaq istəmirəm, çünki məqamların əksəriyyəti ayinə, aşkardır və hələ araşdırmalar, təhqiqatlar, istintaqlar aparılacaq.
Məsələ MTN-in başçısı Eldar Mahmudovla RİTN rəhbəri Əli Abbasov arasındakı "məhrəm" əlaqələrdi.
Halbuki Azərbaycan prezidenti İlham Əliyev belə məmurlara xəbərdarlıq etmiş, onlara islah və tutduqları yoldan dönmək üçün imkan, vaxt vermişdi.
Lakin haram pullar, hakimiyyət hərisliyi sözügedən nazirlərin gözlərini elə tutmuşdu ki, onlar yaratdıqları virtual aləmin elə gerçək situasiya olduqlarına inanmağa başladılar.
Həmin inamın puçluğu əvvəldən bəlli idi və baş verənlər də ölkədə kimsənin, habelə heç bir nazirin qanundan üstün olmadığını göstərdi.
Prezident İlham Əliyev dəfələrlə bəyan edib ki, ölkədə sağlam biznes və investisiya mühitinin yaradılmasına mane olmaq dövlətin siyasətinə  xəyanətdir. 
Milli Təhlükəsizlik Nazirliyinin keçmiş rəhbərliyi və onların əlaltısına çevrilmiş Rabitə və Yüksək Texnologiya Nazirliyinin rəhbərliyinin əməlləri də məhz bu cür dəyərləndirilməlidir.

Aparılan araşdırmalar da bunu təsdiqləyir.
Belə ki, korrupsiya hallarına yol verdiyi, vəzifə səlahiyyətlərindən suistifadə etdiyinə görə artıq Rabitə və Yüksək Texnologiyalar nazirliyinin 10-dan artıq yüksək vəzifəli şəxsi həbs edilib.  Onların arasında nazirliyin aparat rəhbəri Vidadi Zeynalov, Beynəlxalq Əlaqələr və Hesablaşma Mərkəzinin direktoru Cəlil Cəfərov, Bakı Telefon Rabitəsi İstehsalat Birliyinin baş direktoru Beytulla Hüseynov, "Azərpoçt" MMC-nin baş direktoru Qəmbər Bəybalayev, Mühafizə İdarəsinin rəis müavini Vəli Mahmudov, "Aztelekom" İstehsalat Birliyinin baş mühasibi Oqtay Rüstəmov var. 

Halın tərcüməsi və ya tərcümeyi-halın qısası

Əli Məmməd oğlu Abbasov 1953-cü il yanvarın 1-də Naxçıvan şəhərində anadan olub. 1976-cı ildə Moskva Energetika İnstitutunu "Avtomatika və telemexanika" ixtisası üzrə bitirib. Təxminən bir il Azərbaycan Elmlər Akademiyasında işlədikdən sonra Ukrayna Elmlər Akademiyasında məqsədli aspiranturada təhsilini davam etdirib.

2001-2004-cü illərdə Azərbaycan Respublikası Milli Məclisinin Deputatı və Avropa Şurasının Parlament Assambleyasının (AŞPA) üzvü olub. 2004-2014-cü illərdə Azərbaycan Respublikasının rabitə və informasiya texnologiyaları naziri vəzifəsində çalışıb.

Qəddarın qorxaq əlaltısı

Milli Təhlükəsizlik Nazirliyinin sabiq rəhbərliyi iş adamlarının sıxışdırılması, vətəndaşların hüquq və azadlıqlarının qanunazidd şəkildə məhdudlaşdırılması, ayrı-ayrı şəxslərin qanunsuz təqib edilməsi və dinlənilməsi kimi qeyri-qanuni əməllərinə  Rabitə və Yüksək Texnologiyalar Nazirliyini də cəlb edib.
Rabitə və yüksək texnologiyalar naziri Əli Abbasov Azərbaycan prezidentinin etimadını doğrultmamış, qorxaq və zəif xarakteri üzündən rəhbəri olduğu nazirliyin faktiki olaraq MTN-in sabiq rəhbərliyinin hüquqazidd əməllərinin poliqonuna çevrilməsinə şərait yaratmışdı.

Dövlət başçısı və ölkə qanunvericiliyi dövlət qurumları və məmurlardan  vətəndaşların  hüquq və azadlıqlarını, təhlükəsizliyini, ölkədə sağlam biznes və investisiya mühitini təmin etməyi tələb etdikləri halda, MTN-in sabiq rəhbərliyi və onun orbitinə düşmüş RYTN rəhbərliyi tam əks fəaliyyətlə məşğul olublar.

İlkin araşdırmalar göstərir ki, RYTN-də rüşvətxorluq, korrupsiya, dövlət əmlakının mənimsənilməsi kimi qanunazidd fəaliyyət geniş vüsət alıb. Mənimsəmələrdə yalnız RYTN rəhbərliyi deyil, MTN "generalları" da yaxından iştirak ediblər, bu qanunsuz əməllər çox zaman onların bilavasitə göstərişi ilə həyat keçirilib. Nəticədə vətəndaşlara və dövlət büdcəsində külli miqdarda ziyan dəymişdir.
Bəlli, bu məsələlərlə bağlı Baş Prokurorluq tərəfindən istintaq-təhqiqat işləri davam etdirilir. Araşdırmaların nəticələrinə uyğun olaraq qanuna zidd əməllərdə iştirak etmiş şəxslər barədə qəti imkan tədbirləri həyat keçirilir və gələcəkdə də keçiriləcək.

Yüksək vəzifəli məmurların nəzərinə isə bir daha çatdırmaq istəyirəm: Azərbaycan prezidenti, ölkə rəhbərliyi korrupsiya, rüşvətxorluq və digər bu kimi neqativ halların aradan qaldırılması üçün böyük siyasi iradə nümayiş etdirir. 

Cənab məmurlar, nazirlər və qeyriləri - bilin, anlayın və dərk edin ki, bundan sonra da Azərbaycan qanunlarına sayğısızlıq nümayiş etdirən hər kəsin aqibəti Eldar Mahmudov, Əli Abbasov və onların qanunsuz əməllərinə şərik olanların aqibətindən fərqlənməyəcək. Ölkədə vətəndaşların qanuni haqlarını təmin etmək, biznes mühitini yaxşılaşdırmaq, sahibkarlığa, biznesin inkişafına təkan vermək üçün bundan sonra da ciddi addımlar atılacaq.

Qanun Şirazdakı o qoca təkidir. Dözür, müşahidə edir, yekun nəticəyə gəlir, sonra özünü qüdrət və varidat sahibi sayana çəyirdəkləri bir zərbə ilə "qaytarır".

"Eldar Mahmudov, sonra Əli Abbasov. Növbədə kimdir?" Bu sual indi çox populyardır.
Halbuki sual məntiqsizdir.
Növbədə kimsə yoxdur və kimlərinsə sırada olmasından, gözlənti mühitinin yaranmasından bəhs etmək sırf demaqogiyadır.
Növbə yoxdur. Olan qanunlara sayğının absolyuta çatdırılması istəyi, vətəndaşların hüquq və azadlıqlarının tam təminatına yönəlmiş siyasətin iradə, qətiyyətlə həyata keçirilməsidir.
Əməlləri qanun çərçivəsində olan, vəzifəsindən varlanmaq və yaxın bildiklərini varlandırmaq, sonra da "qara gün" üçün pul yığmaq üçün istifadə etmək istəyənlərsə təlaşda qalsınlar: onları da iki nazirin, işdən qovulanların taleyi özləyir.
Çünki "qara gün" üçün varidat toplayaraq vətəndaşların gününü qara edənlərə qarşı qanunun sərt üzü var.

Elçin Alıoğlu
Milli.Az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

“Dihaj” Bakının mərkəzində pulsuz konsert verdi

20 Avqust 2017 15:54

Fasiləsiz televizor izləmək xəstəlik yaradır

20 Avqust 2017 15:50

"Barselona"dan sürpriz Arda Turan qərarı

20 Avqust 2017 15:47

Belə də olur - Ər və arvad eyni oğlana aşiq oldu

20 Avqust 2017 15:43

Suriyada beynəlxalq sərgi atəşə tutulub, ölənlər və yaralananlar var

20 Avqust 2017 15:42

Prezident İlham Əliyev “Azərxalça” ASC-nin Şəmkir filialının açılışında iştirak edib

20 Avqust 2017 15:40

Bineli Yıldırım: "Türkiyə sərhədini qanunsuz keçmək istəyən 5 İŞİD terrorçusu zərərsizləşdirilib"

20 Avqust 2017 15:37

“Körpə gəzintidə” filmi gerçək oldu

20 Avqust 2017 15:33

30 ildən sonra belə istirahət edə bilərik - FOTOLAR

20 Avqust 2017 15:23

Ən sürətlə arıqladan dietik üsul

20 Avqust 2017 15:23

Ağcabədidə "Mercedes" yanıb

20 Avqust 2017 15:14

Nəcməddin Sadıkov prezident İlham Əliyevə raport verdi

20 Avqust 2017 15:13

Azərbaycan cüdoçusu Universiadada qızıl medal qazanıb

20 Avqust 2017 15:12

İraqda iki gəmi toqquşub, ölənlər var

20 Avqust 2017 15:07

Məşhur aktyor sevişmə səhnəsindən danışdı

20 Avqust 2017 15:04

"Ginnesin Rekordlar Kitabı"na düşən Bakı metrosu haqda 10 MARAQLI FAKT

20 Avqust 2017 14:58

Burkino-Fasoda terror aktı zamanı öldürülənlərin sayı 19-a çatıb

20 Avqust 2017 14:52

Dənizdə boğulmaq üzrə olan şəxs xilas edilib

20 Avqust 2017 14:52

İran-İraq müharibəsi başa çatıb

20 Avqust 2017 14:41

Məşhur amerikalı aktyor və yazıçı vəfat edib

20 Avqust 2017 14:39

Yaşı 3 milyard ildir: İDDİA TƏSDİQLƏNDİ - VİDEO

20 Avqust 2017 14:38

ABŞ-da təyyarə qəzaya uğrayıb, ölənlər var

20 Avqust 2017 14:37

Köpəkbalığının yeni növü aşkarlandı

20 Avqust 2017 14:28

Bir ildə 5 minə yaxın velosiped oğurlandı

20 Avqust 2017 14:27

"Artıq "dosta zəng" qaydası işləmir" - DYP

20 Avqust 2017 14:18

Qonşu ölkənin nazir müavinini ildırım vurub öldürdü

20 Avqust 2017 14:15

Zadə sağdır, necə soruşasan, səni harada basdıraq? – Rafiq Əliyev

20 Avqust 2017 14:03

Tanınmış aktyor həmkarı ilə evləndi

20 Avqust 2017 14:03

“Belə oynasaq, “Qarabağ”ı keçəcəyik” – Nikolay Boylesen

20 Avqust 2017 13:59

İcarəyə götürdüyü DVD diskin içərisindən pul və məktub çıxdı - FOTO

20 Avqust 2017 13:53

Ağcabədidə "Mercedes" yandı

20 Avqust 2017 13:50

Məşhur yazıçı-aktyor dünyasını dəyişdi

20 Avqust 2017 13:43

"Bizim üçün ən böyük təhlükə standart vəziyyətlərdi" - Əfran İsmayılov

20 Avqust 2017 13:37

Türkiyə ordusundan hava zərbələri

20 Avqust 2017 13:37

Sabah hava necə olacaq?

20 Avqust 2017 13:33

Faytonçu Nazimin günahlandırdığı həkim danışdı: "ONA ƏVVƏLDƏN DEMİŞDİK"

20 Avqust 2017 13:24

93 yaşında öldü, 130 arvadı dul qoydu - FOTO

20 Avqust 2017 13:23

Mərhum aktyor Fuad Əhmədovun doğum günüdür

20 Avqust 2017 13:18

Hitler və alman ordusu barədə İNANILMAZ FAKTLAR - FOTO

20 Avqust 2017 13:08

72 il əvvəl vurulmuş gəminin qalıqları tapıldı

20 Avqust 2017 13:05

Dünya ölkələrində avtobusları belə gözləyirlər - FOTO

20 Avqust 2017 12:58

Azərbaycan Prezidenti Şəmkir rayonuna səfərə gəlib

20 Avqust 2017 12:51

Avropanın ən “seksual çimərliklər”inin SİYAHISI

20 Avqust 2017 12:48

Ozancan baxdı, bəs Dəniz?

20 Avqust 2017 12:47

Bərdədə toy karvanının avtomobili 4 nəfəri vuraraq hadisə yerindən qaçıb: ölən və yaralananlar var

20 Avqust 2017 12:42

Tanınmış müğənninin xanımı alt paltarında...

20 Avqust 2017 12:41

"Uğurlu nəticə ilə qayıdaraq adımızı tarixə yazdırmağa çalışacağıq" - Qara Qarayev

20 Avqust 2017 12:38

Həftənin ilk iş günü üçün HAVA PROQNOZU

20 Avqust 2017 12:29

Ofis həyatını daha sadə edən 20 İXTİRA - FOTO

20 Avqust 2017 12:28

Banqladeşdə baş nazirə qarşı sui-qəsdə cəhd etmiş 10 nəfər edam edilib

20 Avqust 2017 12:27