Aktual mövzular: Dollar alış-satışı , Hava haqqında, Məzənnə, Neftin qiyməti

"İdeal" saxta məhsul iddialarına cavab verdi

"İdeal" saxta məhsul iddialarına cavab verdi

Date: 13 November 2015 11:36

Noyabrın 12-də "İdeal" parfüm və kosmetika mağazalar şəbəkəsi media nümayəndələri və bu sektora aid araşdırmalar aparan bloqerlərin iştirakı ilə mətbuat konfransı keçirib.

ANS PRESS-in məlumatına görə, tədbirdə şirkətin yaradıcısı İlqar İsmayılovla yanaşı kommersiya direktoru Vladislav Oleynik, marketinq kommunikasiyaları departamentinin rəhbəri Xumar Məmmədbağırova, hüquqşünas, əməkdar artist Murad Dadaşov, “Kosmetik məhsulların sertifikatlaşdırılması komitəsi”nin direktoru Leyla Dadaşova da iştirak edib.


Xumar Məmmədbağırova, İlqar İsmayılov, Vladislav Oleynik


Mətbuat konfransında Murad Dadaşov da "İdeal"la bağlı fikirləri ilə bölüşüb


Mətbuat konfransının mövzusu şirkətin mövqeyi, indiyədək gördüyü işlər, 2016-cı ilə aid planları, həmçinin son zamanlar parfüm və kosmetika sektoru ilə bağlı yaranan fikirlər olub.

Konfransın təşkil edildiyi zalda mağazada təqdim edilən və saxta olduğu bildirilən bir çox məhsulların xarici brendlərdən təqdim edilən sertifikatları nümayiş etdirilib.



"İdeal"ın konfransda nümayiş etdirdiyi mükafat və sertifikatlar


"İdeal"ın yenilikləri haqqında məlumat verərkən İlqar İsmayılov bildirdi ki, avqust ayından etibarən "İdeal"dan alınan məhsullar müştəri narazı olarsa geri qaytarıla bilər. "Əgər müştəri alınan məhsuldan narazı qalarsa, 15 gün ərzində məhsulu dəyişə, qaytara və ödədiyi pulu kart balansına bonus olaraq geri ala bilər. Bu zaman o, mağazadan aldığı qəbzi təqdim etməli və narazılığının səbəbi haqqında blankı doldurmalıdır".



İlqar İsmayılov isə bununla bağlı qeyd edib ki, geri qaytarılan məhsullar istifadə edilib-edilməməsindən, nə qədər istifadə edilməsindən asılı olmayaraq şirkət tərəfindən utilizasiya, yəni ləğv edilir. O, bunun təhlükəsizlik və insanların sağlamlığını qorumaq məqsədilə edildiyini də əlavə edib.

Konfransda verilən sualların bir qismi də son zamanlar kütləvi informasiya vasitələrində, sosial mediada saxta olduğu iddia edilən məhsullar haqqında olub. İlqar İsmayılov həmin iddiaların doğru olmadığını, "İdeal"dakı bütün məhsulların uyğunluq seritfikatının olduğunu, bütün məhsulların nəzarətdən keçirildiyini, bu səbəbdən də "İdeal"da saxta məhsulun satılmasının mümkün olmadığını vurğulayıb.

"Saxta məhsullardan danışan heç kim fakt təqdim etmədi, iddialar ekspert rəyi ilə təsdiqlənmədi. Ona görə də bu cür iddialarda ehtiyatlı, diqqətli olmaq lazımdır. Növbəti dəfə belə hallar baş verəndə həm "İdeal", həm də məhsulun saxta olduğunu iddia edənlər məhkəməyə öz sübutlarını təqdim edərlər və beləliklə, kimin haqlı olduğu hüquqi yolla müəyyənləşər"- deyən İlqar İsmayılov məhsulların qiymətinin baha olması haqqında suala da cavab verib.

O qeyd edib ki, qiymətləri "İdeal" müəyyən etmir, istehsalçılarla razılaşdırılır və məhsullar yekun olaraq onların müəyyən etdiyi qiymətlərlə satılır. Bununla belə, şirkət nümayəndəsi qeyd edib ki, müştəriləri məmnun etmək üçün endirim aksiyaları, "1+1" kimi kampaniyalar tətbiq edirlər.

Qeyd edək ki, "İdeal" MMC 1999-cu ildə İlqar İsmayılov tərəfindən yaradılıb. Hazırda Bakıda və regionlarda şirkətin 5100 kvadrat metrdən çox sahəyə malik 12 mağazası fəaliyyət göstərir.

Mağazalarda 140-dan çox dünya brendinin parfüm, kosmetika və dəri üçün qulluq vasitələri satılır.

Xidmət səviyyəsini daha da yüksəltmək məqsədilə 2014-cü ildə Azərbaycanda ilk dəfə olaraq öz işçiləri üçün "İdeal Akademiya"nı yaradıb. Burada bütün konsultantlar satış texnikası, brendlər haqqında treninqlər keçirlər.



"İdeal"ın əldə etdiyi mükafatlar

Tags:  İdeal saxta məhsul iddialarına cavab verdi


RƏYLƏR


Top news