Müğənni Petek Dinçözün keçmiş həyat yoldaşı Can Tanrıyara həbsxanada yatan bir məhkum məktub göndərib.
Milli.Az qafqazinfo.az-a istinadən xəbər verir ki, həmin məhkum Can Tanrıyar və oğulları Anılcan ilə Oğulcan Tanrıyarı vurması üçün Petek Dinçöz və anasının ona 500 min lirə təklif etdiklərini iddia edib.
Can Tanrıyar bir müddət əvvəl özünü "Urfalı Ali" deyə tanıdan birindən ölümlə hədələndiyini bildirərək prokurorluğa müraciət etmiş, istintaq işi açılmışdı.
Tanrıyarın vəkili Hande Var məktubu İstanbul Respublika Prokurorluğu tərəfindən icra edilən istintaq işinə əlavə ediləcəyini bildirib. İddialara görə, Petek Dinçöz və anası haqqında "Adam öldürməyə təşəbbüs" maddəsi ilə cinayət işi də açılacaq.
Milli.Az
