Bakı. 13 noyabr. REPORT.AZ/ "Hesab edirəm ki, Azərbaycan və Böyük Britaniya parlamentləri arasında isti əlaqələr formalaşıb".
"Report" xəbər verir ki, bunu Böyük Britaniya Lordlar Palatasının üzvü Devid Evans deyib.
"Bildiyiniz kimi, Böyük Britaniya Azərbaycanda ən böyük investordur və bizim aramızda isti münasibətlər var. Azərbaycan Böyük Britaniya üçün mühüm ölkədir, xüsusən də enerji təminatında", - D.Evans bildirib.
Lordlar Palatasının üzvü, həmçinin Dağlıq Qarabağ münaqişəsi və qaçqın və məcburi köçkünlərlə bağlı məsələyə toxunub. "Bunun Azərbaycan üçün nə dərəcədə ağrılı bir məsələ olduğunu anlamaq vacibdir", - deyə o qeyd edib.
