Aktual mövzular: Dollar alış-satışı , Məzənnə, Hava haqqında, Neftin qiyməti

“Cənub” qaz dəhlizi “Atlantic Council Energy & Economic Summit”in əsas mövzularından biri olacaq

“Cənub” qaz dəhlizi “Atlantic Council Energy & Economic Summit”in əsas mövzularından biri olacaq

Azerbaijani energy minister: Southern Gas Corridor Advisory Council is of vital political importance (23 February 2017 17:46)
Third Ministerial Meeting of Southern Gas Corridor Advisory Council kicked off in Baku (23 February 2017 10:46)
Romanian government affirms support for third meeting of Advisory Council of Southern Gas Corridor (20 February 2017 20:46)

Date: 13 November 2015 15:23


Bakı, 13 noyabr, Nihad Budaqov, AZƏRTAC
“Cənub” qaz dəhlizi layihəsi noyabrın 18-20-də İstanbulda keçiriləcək Atlantik Şurasının Enerji və İqtisadiyyat Sammitinin (Atlantic Council Energy & Economic Summit) əsas müzakirə mövzularından biri olacaq.
AZƏRTAC xəbər verir ki, sammitin “Enerji geosiyasəti: “Cənub” qaz dəhlizi” adlı plenar sessiyasında Azərbaycan Respublikası Dövlət Neft Şirkətinin (SOCAR) sərmayələr və marketinq üzrə vitse-prezidentinin müavini Vitaliy Bəylərbəyovun, “Trans-Adriatik” (TAP) boru kəməri üzrə rabitə rəhbəri Lisa Givertin, “bp-Turkey”in rabitə direktoru Murat LeComptenin, Amerika Birləşmiş Ştatlarının Azərbaycandakı səfiri Robert Sekutanın və digərlərinin məruzələri dinləniləcək.
Sammitdə Türkiyə Respublikasının Prezidenti Rəcəb Tayyib Ərdoğanın, iqlim fəaliyyəti və energetika üzrə Avropa komissarı Miguel Arias Cañetenin, Xorvatiyanın Prezidenti xanım Kolinda Qrabar-Kitaroviçin, ABŞ Dövlət Departamentinin Beynəlxalq enerji məsələləri üzrə xüsusi elçisi və əlaqələndiricisi Amos Hokstaynın və digər rəsmi şəxslərin iştirakı nəzərdə tutulub.
Qeyd edək ki, “Cənub” qaz dəhlizi dünyada inkişaf etdirilən ən kompleks təbii qaz boru kəmərləri zənciri kimi qiymətləndirilir. Azərbaycanın “Şahdəniz-2” yatağından hasil olunacaq qazı Avropaya daşıyacaq 3 min 500 kilometr uzunluğundakı “Cənub” qaz
dəhlizi Cənubi Qafqaz Boru Kəməri (CQBK), Trans-Anadolu qaz boru kəməri (TANAP) və “Trans-Adriatik” (TAP) qaz boru kəmərindən ibarətdir.

Tags:  Cənub qaz dəhlizi Atlantic Council Energy Economic Summitin əsas mövzularından biri olacaq



RƏYLƏR


Top news