Bakı. 2 dekabr. REPORT.AZ/ Kliniki Tibb Mərkəzin (KTM) Toksikologiya şöbəsinə bu ilin 9 ayı ərzində 1 804 xəstə daxil olub. Səhiyyə Nazirliyindən "Report"a verilən xəbərə görə, KTM-ə 700-ə yaxın xəstə evdə lazımi şəraitdə saxlanmayan və istifadə müddəti bitən dərman preparatlarından zəhərlənmə diaqnozu ilə gətirilib.
Bundan başqa, şöbəyə alkoqol ilə zəhərlənmələrlə – 89 xəstə, üzvü həlledicilərlə zəhərlənmələrlə – 63 xəstə, yandırıcı məhlullarla zəhərələnmələrlə – 245 xəstə, məişət kimya məhsulları ilə zəhərlənmələrlə - 5 xəstə, dəm qazı və digər toksiki qazlarla zəhərələnmərlə – 249 хəstə, pestisidlərlə zəhərələnmələrlə - 64 xəstə, göbələk və zəhərli bitkilərlə zəhərələnmələr – 31 xəstə, zəhərli heyvanlarla bağlı zəhərlənmələr – 68 xəstə, kəskin toksiko-allerqik reaksiyalar və digər zəhərlənmələrlə – 236 xəstə daxil olub. Vaxtında şöbəyə müraciət edənlərin hər birini xilas etmək mümkün olub.