Aktual mövzular: Dollar alış-satışı , Hava haqqında, Məzənnə, Neftin qiyməti

Dağlıq Qarabağa qeyri-qanuni səfər edən biznesmen ifadə verdi

Dağlıq Qarabağa qeyri-qanuni səfər edən biznesmen ifadə verdi

Date: 2 December 2015 15:44

 

Dağlıq Qarabağa qeyri-qanuni səfər etmiş biznesmen German Sterliqov Rusiya İstintaq Komitəsində ifadə verib.

 

APA-nın “İnterfaks”a istinadən verdiyi məlumata görə, G. Sterliqov bildirib ki, müstəntiqlərin verdiyi suallar əsasən Azərbaycan tərəfinin irəli sürdüyü ittihamlar və onun Bakıya təhvil verilməsi ilə bağlı olub.

 

“Müstəntiqlər mənə dedilər ki, Rusiya öz vətəndaşlarını heç bir ölkəyə təhvil vermir və ekstradisiyam barədə söhbət gedə bilməz”, - deyə o vurğulayıb.

 

Xatırladaq ki, Azərbaycan G. Sterliqovu bu ilin iyulun 28-də İnterpol xətti ilə axtarışa verib. Baş Prokurorluğun Ağır cinayətlərə dair işlər üzrə istintaq idarəsində “German Sterliqov Şirkətlər Qrupu”nun Direktorlar Şurasının rəhbəri G. Sterliqov və digərlərinin Azərbaycanın dövlət sərhədini müəyyən edilmiş sənədlər olmadan və nəzarət-buraxılış məntəqələrindən kənarda qanunsuz keçərək Ermənistan Silahlı Qüvvələri tərəfindən Azərbaycanın işğal olunmuş ərazilərinə gəlmələri və dövlət əleyhinə yönələn açıq çağırışlar etmə əməlləri üzrə Azərbaycan Respublikası Cinayət Məcəlləsinin 281.2 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanılıb. İttiham üçün əsas verən kifayət qədər sübutlar toplanıldığından 28 iyul 2015-ci il tarixdə G. Sterliqov Azərbaycan Respublikası Cinayət Məcəlləsinin 281.2 və 318.2-ci maddələri ilə təqsirləndirilən şəxs qismində cəlb olunmaqla barəsində Bakı şəhəri, Nəsimi rayon məhkəməsinin qərarı ilə həbs-qətimkan tədbiri seçilərək beynəlxalq axtarışa verilib.


Tags:  Dağlıq Qarabağa qeyri-qanuni səfər edən biznesmen ifadə verdi

RƏYLƏR


Top news