Aktual mövzular: Dollar alış-satışı , Hava haqqında, Məzənnə, Neftin qiyməti

Ölmüş heyvanların ətini Bakıda satmaq üçün gətirdilər, amma...

Ölmüş heyvanların ətini Bakıda satmaq üçün gətirdilər, amma...

Date: 2 December 2015 18:47

Mənşəyi məlum olmayan ətin müayinəsi başa çatıb.

Noyabrın 30-da Kənd Təsərrüfatı Nazirliyi yanında Dövlət Baytarlıq Nəzarəti Xidmətinin mütəxəssislərinin Azərbaycan Daxili İşlər Nazirliyinin Karantin-Polis Taborunun əməkdaşları ilə birgə keçirdiyi reyd zamanı Ələt-Bakı avtomobil magistralının Qaradağ rayonu ərazisində Dövlət Yol Polisi postunda Bakı şəhərinə satış üçün gətirilən 5 tona yaxın mənşəyi məlum olmayan, qida üçün yararlığı şübhə doğuran dondurulmuş heyvan cəmdəkləri ilə dolu "Mersedes" markalı yük avtomaşını saxlanılıb.

Dövlət Xidmətindən Trend-ə verilən məlumata görə, cəmdəklərə baxış keçirilən zaman heç bir müşayiətedici baytarlıq və digər sənədlərin olmadığı müəyyən edilib. Həmçinin heyvan cəmdəklərinin mənşəyinin məlum olmadığı, orqanoleptik göstəricilərinin standartlara cavab vermədiyi (rəngi dəyişmiş, göyərmiş, qeyri-spesifik iyə malik olduğu) məlum olub. Cəmdəklərin mənşəyinin hansı növ heyvana aid olduğunu, məcburi kəsildiyini, yaxud ölmüş heyvan cəmdəyi olmasını aydınlaşdırmaq, onların xəstəlik törədiciləri daşımasının yoxlanılması üçün Respublika Baytarlıq Laboratoriyasına 18 nümunə təqdim edilib.

Götürülən nümunələrdə bakterioloji, mikroskopiki və kimya-toksikoloji müayinələr aparılıb. Aparılan bakterioloji müayinə zamanı nümunələrdə bakterioloji çirklənmə, salmonella və eşerixa koli (escherichia coli) xəstəliyinin törədicisi müəyyən olunub. Biokimyəvi müaynə zamanı isə yoxlanılan nümunələrin keyfiyyətsiz, eləcə də 13-nün ölmüş və aqoniya vəziyyətində kəsilmiş iribuynuzlu heyvanların əti olduğu müəyyən edilib.

Aparılan müayinələrin nəticəsinə əsasən, yoxlanılan ət nümunələri qida üçün yararsız olduğu və baytarlıq-sanitariya tələblərinə cavab vermiədiyi üçün satış məqsədilə gətirilən 5 tona yaxın ətin zərərsizləşdirilməsnə qərar verilib.

Ətlərin zərərsizləşdirilməsi tədbiri bu günlərdə həyata keçiriləcək.

Milli.Az


Tags:  Ölmüş heyvanların ətini Bakıda satmaq gətirdilər

RƏYLƏR


Top news